CHALCOPHTHONGOS

CHALCOPHTHONGOS

Graece χαλκόφθογγος, nomem gemmae, apud Solinum, c. 37. Chalcopthongos resonat, ut

pulsata aera: pudice habitus servat vocis claritatem. Eadem cum Chalcophono, Χαλκοφώνῳ Plinii, de qua is l. 37. c. 10. Chalcophonos nigra est, sed illisa aeris tinnitum reddit, Tragoedis, ut suadent, gestanda. Nempe servare vocis claritatem, et proin Tragoedis, hanc maxime affectantibus, gestandam esse, Veteribus persuasum. Certe Chalcophoni, prope Anicium Vellauniorum plutimae sunt ubivis in structuris murorum et parietibus temere congestis, nigrae, leves, fistulosae, tophaceae, cum ferrô percutiuntur, tinnientes. Ibidem parietes delubri Divae Virginis alternis ordinibus huius lapidis et candidi, exstructos esse, adnotat Dalechampius Not. ad Plin. Vide quoque Salmas. ad Solin. p. 769. De φωνασκία? vero Tragoedorum infra.